مذكرة شرح اعمال الصرف للمباني بالصور والرسومات PDF

إزاي تختار مشروع التخرجطلبة هندسة قسم مدني تحديداً بيكون عندهم حيرة كبيرة في إختيار مشروع التخرج ، و ده لزيادة عدد الإختيارات اللي قدامهم.

في البوست ده هنحاول نساعدك إنك تتخذ قرار في إختيارك لمشروع التخرج .

_________________

إحنا بنختار مشروع التخرج بناءاً على عامل من 3 عوامل:
==============================
1- إما أختار مشروع تخرج سهل و غير متعب و اجيب فيه تقدير بسهولة.
2- أو أختار مشروع تخرج يفيدني في الشغل حتى لو صعب.
3- أو أختار مشروع تخرج يميزني في تخصص معين في سوق العمل.

لو انت بتفكر في اختيار مشروع تخرج سهل و مش متعب و مش هتحتاج تتعلم برامج أو تاخد كورسات ليه و بسهولة تجيب فيه تقدير.. يبقى أنسب اختيار هو مشروع ماتريال

لو بتفكر في مشروع يفيدك في الشغل يبقى  خرسانة أو أساسات أو  استراكشر أو  إدارة مشروعات أو طرق

لو بتفكر تختار مشروع يكون مختلف و تتعلم حاجة تميزك عن غيرك يبقى ممكن تختار  Steel أو  ترميم أو صحية

بعض المشاريع عشان تختارها هتحتاج تطور نفسك في برامج معينة
لو اخترت مشروع تخرج خرسانة أو أساسات أو استراكشر يبقى هتحتاج تتعلم برامج أوتوكاد و Sap و Safe و Etabs
لو اخترت مشروع تخرج إدارة مشروعات يبقى هتحتاج تتعلم برنامج بريمافيرا و يفضل يكون عندك فكرة كافية عن المكتب الفني
لو اخترت مشروع تخرج طرق يبقى هتحتاج تتعلم برنامج Civil 3D
لو اخترت مشروع Steel يبقى هتحتاج تتعلم برنامج Tekla
لو اخترت مشروع صحية يبقى هتحتاج تتعلم برنامج WaterCAD و SewarCAD

بنسبة كبيرة مشروع التخرج مابيفرقش في الشغل.. و لكن هو بيسهل عليك إنك تتجه لمجال أو تخصص معين.. مثلاً لو أخدت مشروع تخرج إدارة مشروعات ده ممكن يساعدك تشتغل مهندس مكتب فني أو إدارة مشروعات، لو أخدت مشروع تخرج خرسانة أو استراكشر أو أساسات ده ممكن يساعدك تشتغل في مكتب استشاري تصميم، لو أخدت مشروع تخرج طرق هيسهل عليك دخول مجال الطرق.. و هكذا.

بعض الطلبة تفكيرهم إنه يجمع بين أكتر من تخصص.. بمعنى إنه يختار مشروع تخرج إدارة مشروعات مثلاً.. و يحضر كورسات تصميم أو يتعلم برامج التصميم self learning و هكذا.. يقدر يجمع بين إنه يتعلم أكتر من تخصص أو مجال.

حاول الأجازة بين 3 ، 4 تكون مقرر اختيارك لمشروع التخرج عشان لو هتحتاج تتعلم برامج معينة الوقت مايسرقكش.
حاول تختار الدكتور اللي هتتابع معاه المشروع يكون دكتور بيركز مع الطلبة و بيفيدهم لأن الدكتور لو مش فاضيلك هتتعب في المشروع.
حاول تنتقي مجموعة الطلبة زمايلك اللي هيكونوا معاك في نفس المشروع و يكونوا كلهم بتوع شغل.. عشان تساعدوا بعض و تسهلوا على بعض

بالتوفيق للجميع .

المصدر: Benaa Academy