كل ما يخص بند المبانى
فنيات بند المبانى ( كورس تشطيبات )
فنيات بند المبانى ( كورس تشطيبات )
سنتحدث عن بند من بنود التشطيب الا وهو بند المبانى وبالاخص عن فنيات
التنفيذ والاستلام لهذا البند ونلخص ذلك فى نقاط سريعة بلغة واضحة واسلوب بسيط كما
يلى :
1- بند المبانى من اهم واول بنود التشطيب ولابد من الاهتمام بتفاصيله لانه
هو الاساس الذى ياتى عليه باقى البنود ولابد من تفادى حدوث اى عيب فى المبانى لان
هذا العيب سيؤثر على باقى البنود مثل المحارة والارضيات علاوة على انه يصعب اصلاح
اى عيب من عيوب المبانى دون الاضطرار الى التكسير واعاده البناء من جديد .
2- فيه انواع كتير من الطوب متاح انى استخدمها على حسب الوظيفة وظروف العمل
المطلوبة ومن امثلة تلك الانواع ( الطوب الاحمر وهو الالكثر استخداما – الطوب الاسمنتى
– طوب الحجر الجيرى – طوب الحجر الهاشمى – طوب الحجر الفرعونى – طوب رملى خفافى –
طوب رملى وردى – طوب السندوتش – طوب حرارى – وهناك ايضا طوب زجاجى ).
3- لحصر كمية الطوب يتم تحديد المساحة المطلوب بناءها وبالرجوع الى ابعاد
الطوبة المستخدمه وحساب مساحة الوجه لها يمكن تحديد كمية الطوب هذا فى حالة الحائط
12 سم ( نصف طوبة ) اما فى حالة الحوائط 25 سم ( طوبة كاملة ) سيكون التعامل
بالحجوم وليس المساحة .
4- معايرة المونة ونسب الخلط .... الـــ 1000 طوبة يحتاج الى ( 3 : 4 )
شكاير اسمنت + ( 0.5 ) متر مكعب رمل + المياة وبتكون نصف وزن الاسمنت .
5- طبعا تشوين المون لازم نراعى فيه شروط التشوين الصحيح ولابد تتفق على ده
مع المقاول او صنايعى التشوين .
6- قبل البدء فى البناء بيتم تنظيف المكان جيدا ورش اماكن البناء بالماء
وكذلك غمر طوب البناء فى الماء.
7- عشان اضمن تماسك الحوائط مع الاعمده لابد من تثبيت كانات فى الاعمده
وهذه الكانات بتبات داخل الحوائط اثناء البناء.
8- يمكن التهاون فى وجود كانات تثبيت فى حالة الاعمدة الوسطية لكن الاعمده
الطرفيه لابد من وجود هذه الكانات لضمان عدم ظهور اى شروخ مستقبلية .
9- نقوم باد المانى مطابقة للرسم المعمارى الخاص بالوحده ويتم اد مدماك
واحد لكل الحوائط فى البداية .
10- باب الغرف بيكون ( 90 سم + 4 سم خلوص ) اما باب الحمام ( 80 سم + 4 سم
خلوص ) والمطابخ بتكون ( 90 سم + 4 سم خلوص ) وباب الشقة بيكون ( 110 سم ) عشان
اعمل حساب الحلق الزفر والبرى بتاع الباب الخشب .
11- ضرورى جدا يكون عندنا شيرب ثابت ننسب ليه كل المناسيب الى هنحتاجها وناخد
بالنا ان المناسيب بتكون فى الغالب من منسوب التشطيب يعنى نزود 10 سم على منسوب
الخرسانة .
12- مناسيب الاعتاب للابواب والشبابيك والجلسات للشبابيك لابد نضبطها على
الشيرب يعنى متجيش من وش الخرسانة وتاخد منها المنسوب .
13- سمك العتب بيتحدد بالقانون طول البحر / 10 لانها زى كمرة بسيطة ولو
البحر كان كبير هيدى ارتفاع كبير للعتب يبقى نصبه على ابوه فى الموقع احسن وبيكون
فيه حديد علوى وسفلى كأنه كمرة عادى.
14- فى الحمامات بنعمل 3 مداميل اسمنتى عشان اعمال الصرف.
15- التشحيط هو انك بتقوم بدق خوابير خشب اعلى الحائط عشان تضمن ان الحائط
من فوق من سايب ولا نكتفى بملئ الفراغ الى بين الحائط والسقف بالمونة لان المونه
هتكش لما تنشف ومش هتربط.
16- المسافة بين خوابير الخشب ( التشحيط ) فى حدود 1.5 الى 2 متر و لا يتم
التشحيط فى الاتجاه العمودى على الحائط .
17- ابدا البناء من الداخل للخارج عشان الطريق يكون سالك والحركة تكون سهلة
18- الاسفلتويد ده بنستخدمه فى حالة الدور الارضى حيث يتم وضعه اسفل اول
مدماك و فوق قصية الردم بسمك لا يقل عن 2 سم حيث يستخدم كعازل للماء .
19- لو عايز تعاير على كل شيكارة اسمنت فالشكارة الواحده بتاخد .17 متر
مكعب رمل فممكن تعمل صندوق 1 * 1 * 0.17 وتملئة بالرمل وده يكون لكل شكارة اسمنت .
20- بعد الانتهاء من اعمال المبانى لابد من غمرها جيد بالماء لمده 3 ايام
وذلك لتطرد الملح الموجود فى الطوب نفسه وان تتم استمرار عملية الاماهه للمونة
الاسمنتية .
21- اوعى تنسى تاكد على فتح الشانيش عشان اعمال النجارة المسلحة وخاصة فى
الاسوار الخارجية .
22- طرف الرباط لازم يكون موجود بين كل حائطين متصلين .
23- لازم تتفق على طريقة الحساب من البداية عشان ميحصلش خلاف فى النهاية
ودائما افترض سوء النية عشان تكون فى الامان .
استلام اعمال المبانى
1) ان يكون الاد مطابق لما ورد فى المخططات المعمارية.
2) التأكد من سمك كل حائط ( نصف / طوبة ).
3) التاكد من راسية الحوائط .
4) استلام اللحامات والعراميس وعدم وجود فجوات ( الحائط منور ) ومفيش
عرموسين فوق بعض .
5) مراجعة وجود كانات بين الحوائط الاعمده .
6) استلام الفتحات ومطابيتها من حيث المكان والمقاسات الموجوده فى المعمارى
.
7) التاكد من وجود الاسفلتويد فى الدور الارضى .
8) مراجعة مناسيب العتب و الجلسات
9) التاكد من اعمال التشحيط الموجوده اعلى كل حائط
10) استلم المبانى بالقدة ان امكن
11) لابد نستلم تربيع الفراغات
الموجوده عشان نتفادى ظهور سمكة فى الارضيات .
12) التاكد من وجود شنايش ااذا تم الاتفاق عليها سابقا .
وفى نهاية الموضوع اريد ان اضيف اثمن نصيحة للجميع وهى انك لابد ان تكون
متفق على كل شئ من البداية ودائما افترض سوء النية فى التعامل عشان تكون فى امان
مش اكتر .
اليكم هدية الموضوع وهى :
كورس تشطيبات كامل PDF باسلوب واضح وبسيط والشرح بالصور ايضا .
رابط الهدية :
كورس تشطيبات كامل PDF باسلوب واضح وبسيط والشرح بالصور ايضا .
رابط الهدية :
انشر الموضوع لتعم الفائدة ...
اسال الله العظيم ان يوفقنا لما يحب ويرضى وان يعلمنا ما
ينفعنا وينفعنا بما علمنا
