أخطر أسئلة في الإنترفيو
1- Technical Interview.
2- HR Interview.
الـ Technical Interview👷 بتكون الأسئلة فيها أسئلة فنية حسب التخصص أو المجال و الوظيفة المتقدم ليها، فمثلاً لو مهندس مدني هيسألك في التصميم أو التنفيذ أو المكتب الفني... إلخ، و يناقشك في البرامج اللي تعرفها أو الكورسات اللي أخدتها، و اللي بتعمل معاه الإنترفيو التكنيكال بيكون مهندس، إما مدير المشروع أو مدير المكتب الفني.. إلخ.
أما الـ HR Interview 😬 بتكون الأسئلة فيها بيكون الهدف منها اختبار شخصيتك و أسلوبك و طريقتك في إدارة الشغل، و اللي بيعمل معاك الإنترفيو هنا هو في الغالب مدير الـ HR بالشركة.
في دراسات كتير بتقول إن أغلب اللي بيترفضوا في الـ Interview بيترفضوا في الـ HR Interview مش في الـ Technical Interview.
يعني ممكن تكون انت مهندس شاطر و متفوق و متميز فنياً و مرتب على دفعتك و لكن كل ماتروح Interview ماتتقبلش.. و ده ببساطة لأنك مش محضر نفسك للأسئلة اللي هيسألهالك مسئول الـ HR في الشركة.😢
من حسن الحظ إن أسئلة الـ HR Interview شبه ثابته و متكرره، و لو انت محضر نفسك ليها كويس تأكد إنك هتجتاز الـ Interview بكل بساطة. 👌
خلال البوست هنتكلم معاكوا عن أهم 10 أسئلة في الإنترفيو، و كل سؤال ممكن يترد عليه بطريقتين غير بعض.. و انت بنفسك هتقدر تحدد أي إجابة أفضل.
__________________________
السؤال الأول: كلمني عن نفسك؟ أو عرفني بنفسك؟ **************************
•← إجابة 1: أنا المهندس/ أحمد.. مواليد سنة/....... محافظة/......... كنت جايب في الثانوية العامة.....% و بعدين دخلت هندسة، إخترت قسم مدني لأني كان نفسي أطلع مهندس مدني عشان بحب الهندسة المدنية.. مشروع تخرجي كان عن .... و كنا بنصمم فيه..... و .... و تقديري العام جيد مرتفع.. اللي فرق عن جيد جداً هو إني حصلي ظرف قبل إمتحانات سنة تالته و بعدين...... و .... بلا بلا بلا.. لوك لوك لوك.. إلخ (خلاص كدة اللي Interviewer اتفصل منك و علم X على الـ CV بتاعتك و غالباً هيزحلقك بسرعة) 😏
•← إجابة 2: اسمي/ أحمد.. خريج هندسة المنصورة قسم مدني بتقدير جيد- مشروع تخرجي كان أساسات- خلصت جيش- و حالياً بدور على شغل و أفضل يكون شغل موقع أو مكتب فني.. بشتغل على برامج كذا و كذا و أخدت كورسات كذا و كذا- عندي خلفية كافية عن التنفيذ لأني كنت بنزل تدريب موقع في الأجازات، لو حضرتك فيه نقطة محددة حابب أوضحها بتفصيل أكتر تحت أمرك. 👌
*** ملاحظات: معاك بحد أقصى دقيقتين حاول تستغلهم أفضل إستغلال ممكن.. ماينفعش تقعد فيهم ترغي في كلام مالوش لازمة، كلامك يكون محدد و واضح، حاول تخطفه و تديله إنطباع مبدئي كويس عنك
مش صح إنك لما تيجي تعرف نفسك تستخدم لقب قبل اسمك ماتقولش أنا المهندس فلان.. قول اسمك على طول بدون لقب
و انت بتعرف نفسك خليك باصص في عين الشخص اللي بيكلمك و اتكلم بثقه ماتبقاش باصص في الأرض
__________________________
السؤال الثاني: تعرف إيه عن الشركه؟ ************************
•← إجابة 1: ممممم للأسف ماعنديش فكرة.. بس أنا شوفت إعلان على النت فقدمت و هما كلموني 😏
•← إجابة 2: أعرف إن الشركة شغاله في المقاولات من 15 سنة تقريباً.. أغلب مشاريع الشركة حالياً في العاصمة الإدارية و القاهرة الجديدة، أكبر مشروع حالياً معاكوا هو مشروع تنفيذ محطة كهرباء...... و الإستشاري المشرف على المشروع هو مكتب........ إلخ. 👌
*** ملاحظات: قبل أي انترفيو تروحها لازم تعمل Search كافي عن الشركة و تحاول توصل لأكبر كم من المعلومات عنها، ده بيقوي موقفك جداً في الإنترفيو
__________________________
السؤال الثالث: إيه أكتر مزايا شايفها في نفسك – و أكتر عيوب؟**************************
•← إجابة 1: آآآآآآآ.. ممم بالنسبة للميزة.. يعني مافيش ميزة محددة على بالي.. بس ممكن أكون شخص إجتماعي و بحب الناس، بالنسبة للعيب أنا عصبي و ده أحياناً بيسببلي مشاكل مع الناس. 😏
•← إجابة 2: أعتقد إني منظم في شغلي و بحاول قدر إستطاعتي التزم بالـ Dead Line لأي Task مطلوبة مني- بحاول أوصل لأي معلومة ممكن أكون مش عارفها- مابوقفش من تطوير نفسي.
بالنسبة للعيب.. أحياناً بضغط نفسي في الشغل زيادة عن اللزوم و ده بيأثر على حياتي الإجتماعية بره الشغل. 👌
*** ملاحظات: غلط تضيع السؤال ده من غير ماتوضح نقاط قوتك، و حاول لما تتكلم عن المزايا تختار مزايا تكون مؤثرة على الشغل زي التنظيم.. الإلتزام.. الدقة.. إلخ، و بالنسبة للعيبوب بلاش تقول عيب يؤثر سلباً على الشغل.. و يفضل تقول عيب كان فيك و انت اشتغلت على نفسك لحد ماعالجته و توضح ده.
__________________________
السؤال الرابع: ليه شايف نفسك تصلح للوظيفة دي أكتر من غيرك؟**************************
•← إجابة 1: يعني.. مافيش سبب محدد بس أنا نفسي أشتغل معاكوا 😏
•← إجابة 2: مش بالضرورة أكون أنا أفضل حد متقدم و لكن أعتقد إن ممكن يكون عندي بعض المهارات اللي تؤهلني للوظيفة.. حضراتكوا طالبين مهندس مكتب فني و أنا بعرف أشتغل على البرامج الخاصة بالمكتب الفني زي الأوتوكاد و الإكسيل و الـ ASD و مستوايا فيهم كويس و كنت أخدت كورس مكتب فني قبل كدة فعندي فكرة كافية عن شغل الحصر و المستخلصات و الشوب درووينج... إلخ، بالإضافة إني حالياً بطور نفسي في الريفت و البريمافيرا بتعلمهم Self-Study و في بعض البرامج اللي مش مشهورة بس بعرف اشتغل عليها و دي أنا شايف إنها ممكن تميزني عن ناس كتير.. زي برنامج Cutting optimization ده عبارة عن برنامج بنوفق بيه قطعيات حديد التسليح بحيث نقدر نقلل في الهالك بنسبة كبيرة و ده ممكن يوفر للشركة ملايين في وقت قليل.. ممكن يكون في حد من المتقدمين متميز عني في نقطة محددة بس أنا طبعاً أتمنى يكون ليا فرصة معاكوا في الشركة عشان أقدر أثبت نفسي 👌
*** ملاحظات: السؤال ده سؤال محوري و فاصل في أي إنترفيو و بيترتب عليه بشكل كبير قبولك من عدمه، حاول تستغل السؤال لصالحك و إجابتك عليه تقوي موقفك.
عشان تجاوب على السؤال صح لازم تكون عارف طبيعه الوظيفة و متطلباتها بالظبط، و توضح في إجابتك الـ Qualifications بتاعتك اللي تميزك عن غيرك في الوظيفة دي تحديداً.
__________________________
السؤال الخامس: شايف نفسك فين بعد 5 سنين؟ **************************
•← إجابة 1: أتمنى إني أكون وقتها مسافر في دولة زي ألمانيا أو كندا لأني بحلم أكمل حياتي بره 😏
•← إجابة 2: شايف نفسي مدير مكتب فني أو مدير موقع في شركة كبيرة و مسئول عن مشروع ضخم متكامل لأني حابب أشتغل كل البنود عشان أكتسب أكبر خبرات ممكنة أتمنى طبعاً لو ليا فرصة إن ده يتحقق هنا معاكم في الشركة و شايف نفسي وقتها معايا شهادة PMP لأني شغال عليها حالياً 👌
*** ملاحظات: كتير من الناس بيكونوا شايفيين إن السؤال ده سؤل نمطي و مش مهم في حين إنه من أهم الأسئلة بالنسبة للشخص اللي بيعملك الإنترفيو لأنه من خلال إجابتك بيعرف طموحك إيه و طريقة تفكيرك و هل إنت ناوي تستمر في الشركة فترة ولا من النوع اللي كل شويه يسيب الشغل.
حاول من خلال إجابتك توضحله إنك بتدور على الإستقرار و إنك شخص طموح و بتسعى لتطوير نفسك بصفة مستمرة.
__________________________
السؤال السادس: ليه سيبت شغلك السابق - ليه بتتنطط كتير من شغل للتاني؟**************************
•← إجابة 1: عشان الراتب كان قليل و بصراحة كانوا بيسرقوا في الشغل أحياناً و بيعملوا شغل مش مظبوط و مديري في الشغل كان راجل مش تمام.. يعني كان أحياناً ممكن يدفع رشوة عشان يمشي الشغل و كان ساعات....و ...... و ..... 😏
•← إجابة 2: حسيت إني وصلت لمرحلة إني مابضيفش لنفسي أو للشركة حاجة جديدة، بالإضافة إني حابب أطور نفسي في حجم شغل أكبر و مشاريع مختلفة نوعاً ما، أغلب مشاريع الشركة بتنفذها ذاتياً و مافيش إستشاري بيستلم مني الشغل فحاسس إني مابتعلمش بشكل كافي و مابستفيدش من خبرات مهندسين تانيين.👌
*** ملاحظات: من أكتر الحاجات اللي بتضايق أصحاب الشغل و مديري الشركات هي الموظفين اللي يشتغلوا فترة قليله و بعدين يسيبوا الشغل بشكل مفاجيء لأن ده بيأثر سلباً على سير العمل، حاول من خلال إجابتك توضح إنك شخص مسئول و يعتمد عليه.
ماينفعش تسيء للشركة القديمة اللي كنت شغال فيها ولا في أحد موظفيها، و غلط إنك تقول إنك سبت الشركة علشان الراتب كان قليل " مع إن ده في الغالب سبب منطقي جداً" بس غير مستحب إنك تأكد عليه في الإنترفيو لأنه بينقل صورة إنك شخص مادي.
__________________________
السؤال السابع: إمتى ممكن تفكر تسيب الشركه و تمشي؟ **************************
•← إجابة 1: لو اتعرض عليا فرصة راتب أكبر أو لو جاتلي السفرية اللي بحلم بيها. 😏
•← إجابة 2: أنا بطبعي بدور على الإستقرار الوظيفي، هحاول قدر استطاعتي أكبر في الشركة بحيث ما احتاجش إني أدور على فرصة بديلة، و في حالة ظهور فرصة عمل تانيه خلال عملي أكيد ممكن أفكر فيها و أقارن بين الفرصتين و لكن مش هميل إني أسيب الشغل و أروح مكان تاني إلا لو أنا مش حاسس باستقرار في الشغل، و على كل حال في حالة إني قررت أسيب الشغل في أي وقت لازم طبعاً أبلغ الشركة بشكل رسمي قبلها بفترة كافية لتوفير بديل و تسليمه كل متعلقات شغلي. 👌
*** ملاحظات: بلاش إجابتك توضح إنك شخص مادي أو ماعندكش إنتماء و ولاء للمكان اللي بتشتغل فيه، بلاش تحسس اللي بيسألك إنك في أي وقت ممكن تغدر بالشركة و تسيب الشغل بشكل مفاجيء.
__________________________
السؤال الثامن: تتصرف إزاي لو حصل........... (و يقولك موقف سخيف)؟ مثلاُ تتصرف إزاي لو انت في الموقع صنايعي غلط فيك و كلمك بأسلوب غير لائق قدام الناس؟**************************
•← إجابة 1: مش هسكت طبعاً هعلي صوتي و ههزأه قدام الموقع كله عشان الكل يحترمني بعد كدة. 😏
•← إجابة 2:
مبدئياً أنا مش هسمح إن ده يحصل.. مش هوصل علاقتي مع الصنايعية لحد التطاول، و لكن في حالة إن ده حصل لأي سبب هنسحب بهدوء من الموقف لأن أي تصعيد هيكون نتيجته مش في صالحي، و هكتب مذكرة رسميه بالموقف و استدعي المقاول المسئول علن الشغل لمكتبي و اوقف له كافه مستحقاته و تحويله لتحقيق داخلي و يتم فوراً إستبعاد الصنايعي اللي تطاول، و يتم توقيع جزاء ضخم على المقاول نفسه ولا تصرف باقي مستحقاته إلا بعد اعتذاره و اعتذار الصنايعي.👌
*** ملاحظات: الأسئلة اللي من النوع ده بيختبر بيها طريقة تفكيرك و قدرتك على التصرف في المواقف المختلفة و ردود أفعالك، و غالباً هيسألك سؤال غريب أو موقف إنت مش متوقع حدوثه، حاول تفكر في مردود الإجابة و تأثير تصرفك ده على الشغل في المقام الأول.
__________________________
السؤال التاسع: احكيلي موقف حصل معاك و شايف إنك اتصرفت فيه تصرف كويس؟ **************************
•← إجابة 1: كنت في إمتحان خرسانة و كان الإمتحان صعب و الدكتور جايب أسئلة من بره المنهج و.. بلا بلا بلا....... 😏
•← إجابة 2: كنت في الموقع و المقاولين و الصنايعية مستخلصاتهم متأخرة و مش معاهم فلوس يصرفوا و متضايقين جداً لدرجة إنهم وقفوا الشغل عنداً مع الشركة، أنا وقتها جمعت المقاولين عندي في الكرفان و اتكلمت معاهم شويه و عرفتهم إني هجيبلهم حقهم و كلمت الإدارة المالية للشركة و عملت كل اللي أقدر اعمله لحد مافعلاً أقنعتهم يكملوا شغل و الدنيا مشيت و فضلت ورا الحسابات لحد ما اتصرفلهم مستحقاتهم. 👌
*** ملاحظات: السؤال ده حاول تكون إجابتك عليه بطريقه تبين له إن انت شخص قيادي و يعتمد عليه و عنده قدره على اتخاذ قرارات صح، حاول تحكي موقف ليه علاقة بالشغل تحديداً.
__________________________
السؤال العاشر: عاوز راتب كام؟ كنت بتقبض كام في الشغل اللي فات؟**************************
ده يعتبر السؤال الأهم على الإطلاق، و اللي هيترتب عليه وضعك المالي في الشركة
و لأن الإجابة على السؤال ده تحديداً لازم تكون باستفاضه كافيه.. فهنناقش معاكوا إزاي تتفق على الراتب في البوست القادم بشكل مستقل و اللي من خلاله هنوضح إزاي تنهي الإتفاق المالي في الإنترفيو لصالحك.
•← إجابة 2: أعتقد إني منظم في شغلي و بحاول قدر إستطاعتي التزم بالـ Dead Line لأي Task مطلوبة مني- بحاول أوصل لأي معلومة ممكن أكون مش عارفها- مابوقفش من تطوير نفسي.
بالنسبة للعيب.. أحياناً بضغط نفسي في الشغل زيادة عن اللزوم و ده بيأثر على حياتي الإجتماعية بره الشغل. 👌
*** ملاحظات: غلط تضيع السؤال ده من غير ماتوضح نقاط قوتك، و حاول لما تتكلم عن المزايا تختار مزايا تكون مؤثرة على الشغل زي التنظيم.. الإلتزام.. الدقة.. إلخ، و بالنسبة للعيبوب بلاش تقول عيب يؤثر سلباً على الشغل.. و يفضل تقول عيب كان فيك و انت اشتغلت على نفسك لحد ماعالجته و توضح ده.
__________________________
السؤال الرابع: ليه شايف نفسك تصلح للوظيفة دي أكتر من غيرك؟**************************
•← إجابة 1: يعني.. مافيش سبب محدد بس أنا نفسي أشتغل معاكوا 😏
•← إجابة 2: مش بالضرورة أكون أنا أفضل حد متقدم و لكن أعتقد إن ممكن يكون عندي بعض المهارات اللي تؤهلني للوظيفة.. حضراتكوا طالبين مهندس مكتب فني و أنا بعرف أشتغل على البرامج الخاصة بالمكتب الفني زي الأوتوكاد و الإكسيل و الـ ASD و مستوايا فيهم كويس و كنت أخدت كورس مكتب فني قبل كدة فعندي فكرة كافية عن شغل الحصر و المستخلصات و الشوب درووينج... إلخ، بالإضافة إني حالياً بطور نفسي في الريفت و البريمافيرا بتعلمهم Self-Study و في بعض البرامج اللي مش مشهورة بس بعرف اشتغل عليها و دي أنا شايف إنها ممكن تميزني عن ناس كتير.. زي برنامج Cutting optimization ده عبارة عن برنامج بنوفق بيه قطعيات حديد التسليح بحيث نقدر نقلل في الهالك بنسبة كبيرة و ده ممكن يوفر للشركة ملايين في وقت قليل.. ممكن يكون في حد من المتقدمين متميز عني في نقطة محددة بس أنا طبعاً أتمنى يكون ليا فرصة معاكوا في الشركة عشان أقدر أثبت نفسي 👌
*** ملاحظات: السؤال ده سؤال محوري و فاصل في أي إنترفيو و بيترتب عليه بشكل كبير قبولك من عدمه، حاول تستغل السؤال لصالحك و إجابتك عليه تقوي موقفك.
عشان تجاوب على السؤال صح لازم تكون عارف طبيعه الوظيفة و متطلباتها بالظبط، و توضح في إجابتك الـ Qualifications بتاعتك اللي تميزك عن غيرك في الوظيفة دي تحديداً.
__________________________
السؤال الخامس: شايف نفسك فين بعد 5 سنين؟ **************************
•← إجابة 1: أتمنى إني أكون وقتها مسافر في دولة زي ألمانيا أو كندا لأني بحلم أكمل حياتي بره 😏
•← إجابة 2: شايف نفسي مدير مكتب فني أو مدير موقع في شركة كبيرة و مسئول عن مشروع ضخم متكامل لأني حابب أشتغل كل البنود عشان أكتسب أكبر خبرات ممكنة أتمنى طبعاً لو ليا فرصة إن ده يتحقق هنا معاكم في الشركة و شايف نفسي وقتها معايا شهادة PMP لأني شغال عليها حالياً 👌
*** ملاحظات: كتير من الناس بيكونوا شايفيين إن السؤال ده سؤل نمطي و مش مهم في حين إنه من أهم الأسئلة بالنسبة للشخص اللي بيعملك الإنترفيو لأنه من خلال إجابتك بيعرف طموحك إيه و طريقة تفكيرك و هل إنت ناوي تستمر في الشركة فترة ولا من النوع اللي كل شويه يسيب الشغل.
حاول من خلال إجابتك توضحله إنك بتدور على الإستقرار و إنك شخص طموح و بتسعى لتطوير نفسك بصفة مستمرة.
__________________________
السؤال السادس: ليه سيبت شغلك السابق - ليه بتتنطط كتير من شغل للتاني؟**************************
•← إجابة 1: عشان الراتب كان قليل و بصراحة كانوا بيسرقوا في الشغل أحياناً و بيعملوا شغل مش مظبوط و مديري في الشغل كان راجل مش تمام.. يعني كان أحياناً ممكن يدفع رشوة عشان يمشي الشغل و كان ساعات....و ...... و ..... 😏
•← إجابة 2: حسيت إني وصلت لمرحلة إني مابضيفش لنفسي أو للشركة حاجة جديدة، بالإضافة إني حابب أطور نفسي في حجم شغل أكبر و مشاريع مختلفة نوعاً ما، أغلب مشاريع الشركة بتنفذها ذاتياً و مافيش إستشاري بيستلم مني الشغل فحاسس إني مابتعلمش بشكل كافي و مابستفيدش من خبرات مهندسين تانيين.👌
*** ملاحظات: من أكتر الحاجات اللي بتضايق أصحاب الشغل و مديري الشركات هي الموظفين اللي يشتغلوا فترة قليله و بعدين يسيبوا الشغل بشكل مفاجيء لأن ده بيأثر سلباً على سير العمل، حاول من خلال إجابتك توضح إنك شخص مسئول و يعتمد عليه.
ماينفعش تسيء للشركة القديمة اللي كنت شغال فيها ولا في أحد موظفيها، و غلط إنك تقول إنك سبت الشركة علشان الراتب كان قليل " مع إن ده في الغالب سبب منطقي جداً" بس غير مستحب إنك تأكد عليه في الإنترفيو لأنه بينقل صورة إنك شخص مادي.
__________________________
السؤال السابع: إمتى ممكن تفكر تسيب الشركه و تمشي؟ **************************
•← إجابة 1: لو اتعرض عليا فرصة راتب أكبر أو لو جاتلي السفرية اللي بحلم بيها. 😏
•← إجابة 2: أنا بطبعي بدور على الإستقرار الوظيفي، هحاول قدر استطاعتي أكبر في الشركة بحيث ما احتاجش إني أدور على فرصة بديلة، و في حالة ظهور فرصة عمل تانيه خلال عملي أكيد ممكن أفكر فيها و أقارن بين الفرصتين و لكن مش هميل إني أسيب الشغل و أروح مكان تاني إلا لو أنا مش حاسس باستقرار في الشغل، و على كل حال في حالة إني قررت أسيب الشغل في أي وقت لازم طبعاً أبلغ الشركة بشكل رسمي قبلها بفترة كافية لتوفير بديل و تسليمه كل متعلقات شغلي. 👌
*** ملاحظات: بلاش إجابتك توضح إنك شخص مادي أو ماعندكش إنتماء و ولاء للمكان اللي بتشتغل فيه، بلاش تحسس اللي بيسألك إنك في أي وقت ممكن تغدر بالشركة و تسيب الشغل بشكل مفاجيء.
__________________________
السؤال الثامن: تتصرف إزاي لو حصل........... (و يقولك موقف سخيف)؟ مثلاُ تتصرف إزاي لو انت في الموقع صنايعي غلط فيك و كلمك بأسلوب غير لائق قدام الناس؟**************************
•← إجابة 1: مش هسكت طبعاً هعلي صوتي و ههزأه قدام الموقع كله عشان الكل يحترمني بعد كدة. 😏
•← إجابة 2:
مبدئياً أنا مش هسمح إن ده يحصل.. مش هوصل علاقتي مع الصنايعية لحد التطاول، و لكن في حالة إن ده حصل لأي سبب هنسحب بهدوء من الموقف لأن أي تصعيد هيكون نتيجته مش في صالحي، و هكتب مذكرة رسميه بالموقف و استدعي المقاول المسئول علن الشغل لمكتبي و اوقف له كافه مستحقاته و تحويله لتحقيق داخلي و يتم فوراً إستبعاد الصنايعي اللي تطاول، و يتم توقيع جزاء ضخم على المقاول نفسه ولا تصرف باقي مستحقاته إلا بعد اعتذاره و اعتذار الصنايعي.👌
*** ملاحظات: الأسئلة اللي من النوع ده بيختبر بيها طريقة تفكيرك و قدرتك على التصرف في المواقف المختلفة و ردود أفعالك، و غالباً هيسألك سؤال غريب أو موقف إنت مش متوقع حدوثه، حاول تفكر في مردود الإجابة و تأثير تصرفك ده على الشغل في المقام الأول.
__________________________
السؤال التاسع: احكيلي موقف حصل معاك و شايف إنك اتصرفت فيه تصرف كويس؟ **************************
•← إجابة 1: كنت في إمتحان خرسانة و كان الإمتحان صعب و الدكتور جايب أسئلة من بره المنهج و.. بلا بلا بلا....... 😏
•← إجابة 2: كنت في الموقع و المقاولين و الصنايعية مستخلصاتهم متأخرة و مش معاهم فلوس يصرفوا و متضايقين جداً لدرجة إنهم وقفوا الشغل عنداً مع الشركة، أنا وقتها جمعت المقاولين عندي في الكرفان و اتكلمت معاهم شويه و عرفتهم إني هجيبلهم حقهم و كلمت الإدارة المالية للشركة و عملت كل اللي أقدر اعمله لحد مافعلاً أقنعتهم يكملوا شغل و الدنيا مشيت و فضلت ورا الحسابات لحد ما اتصرفلهم مستحقاتهم. 👌
*** ملاحظات: السؤال ده حاول تكون إجابتك عليه بطريقه تبين له إن انت شخص قيادي و يعتمد عليه و عنده قدره على اتخاذ قرارات صح، حاول تحكي موقف ليه علاقة بالشغل تحديداً.
__________________________
السؤال العاشر: عاوز راتب كام؟ كنت بتقبض كام في الشغل اللي فات؟**************************
ده يعتبر السؤال الأهم على الإطلاق، و اللي هيترتب عليه وضعك المالي في الشركة
و لأن الإجابة على السؤال ده تحديداً لازم تكون باستفاضه كافيه.. فهنناقش معاكوا إزاي تتفق على الراتب في البوست القادم بشكل مستقل و اللي من خلاله هنوضح إزاي تنهي الإتفاق المالي في الإنترفيو لصالحك.
__________________________
#ملاحظات:
======
• أسئلة الإنترفيو مابتتحفظش و نروح نسمع الإجابات.. إحنا فقط بنوضحلك إن الأسئلة بيكون ليها مغزى معين، و لو انت متوقع السؤال و فاهم المغزى منه هتقدر تجاوب إجابة صح.
• الصراحة مطلوبة في الإنترفيو.. و لكن تبقى عامل حساب لك كلمة تقولها و تراجعها قبل ماتنطقها لأن كلامك هو اللي بيحدد موقفك.
• من أهم الحاجات في الإنترفيو هي لباقتك و شخصيتك و مظهرك، لازم تهتم بكل تفصيله و لبسك و أسلوب كلامك.
• ماينفعش يظهر عليك إنك مرتبك و متوتر.. حاول نحافظ على ثباتك الإنفعالي طوال الإنترفيو.
• ردودك لازم تكون واضحة و محددة في الإجابة على الأسئلة.
• الاقتضاب في الردود غلط و السرد الزيادة عن اللزوم لحد الرغي غلط أكبر، خلي كلامك على قد السؤال و في نطاق الإنترفيو.
• مش لازم الإنترفيو كلها تكون كلام رسمي.. ممكن يبقى في مساحة لكلام عام بشكل Friendly بينك و بين اللي بيعملك الإنترفيو.
• في الإنترفيو 3 حاجات ممنوع تتكلم فيه: السياسة- الكورة- المعتقدات الدينية، لأن ممكن اللي بيعملك الإنترفيو يختلف معاك و ده هيضعف موقفك.
• نبرة صوتك في الإنترفيو مهمة، و لغة الجسد.. حاول تركز عليهم قدر استطاعتك.
المصدر : Benaa Academy
#ملاحظات:
======
• أسئلة الإنترفيو مابتتحفظش و نروح نسمع الإجابات.. إحنا فقط بنوضحلك إن الأسئلة بيكون ليها مغزى معين، و لو انت متوقع السؤال و فاهم المغزى منه هتقدر تجاوب إجابة صح.
• الصراحة مطلوبة في الإنترفيو.. و لكن تبقى عامل حساب لك كلمة تقولها و تراجعها قبل ماتنطقها لأن كلامك هو اللي بيحدد موقفك.
• من أهم الحاجات في الإنترفيو هي لباقتك و شخصيتك و مظهرك، لازم تهتم بكل تفصيله و لبسك و أسلوب كلامك.
• ماينفعش يظهر عليك إنك مرتبك و متوتر.. حاول نحافظ على ثباتك الإنفعالي طوال الإنترفيو.
• ردودك لازم تكون واضحة و محددة في الإجابة على الأسئلة.
• الاقتضاب في الردود غلط و السرد الزيادة عن اللزوم لحد الرغي غلط أكبر، خلي كلامك على قد السؤال و في نطاق الإنترفيو.
• مش لازم الإنترفيو كلها تكون كلام رسمي.. ممكن يبقى في مساحة لكلام عام بشكل Friendly بينك و بين اللي بيعملك الإنترفيو.
• في الإنترفيو 3 حاجات ممنوع تتكلم فيه: السياسة- الكورة- المعتقدات الدينية، لأن ممكن اللي بيعملك الإنترفيو يختلف معاك و ده هيضعف موقفك.
• نبرة صوتك في الإنترفيو مهمة، و لغة الجسد.. حاول تركز عليهم قدر استطاعتك.
المصدر : Benaa Academy
